بسم الله الرحمن الرحيم
حبيت أحكي اليوم عن هالموضوع بمناسبة قرب حلول شهر رمضان ينعاد عليكم باليمن والبركة !!! وسنة بعد سنة رمضان عم يفقد جوهره وهو العبادة ,,, والأسباب كتيرة ,, بس أخطر سبب هو التلفزيون والستلايت ... أكتر من 200 محطة بستنفر برمضان ,, أحلى المسلسلات , وأقوى البرامج , ومسابقات , وضحك وفرفشة .... الخ الخ الخ ... والضغط عالتلفزيون بيزيد برمضان أكتر من أي شهر تاني ,,, يعني كل المحطات بظل بتعيد نفس المسلسل طول السنة وبتخبي الجديد لرمضان ... وهذا كله لحتى يلهو المسلمين عن العبادة وينسوهن رمضان .
بس بتعرفوا شو المشكلة الأكبر ؟؟؟؟؟ أنو الكل بيعرف هالشي .. والكل بينصح غيرو أنو برمضان مايتفرج عالتلفزيون .. والكل مقتنع أنو رمضان للعبادة ... سائق التكسي بيحكيلك وبينصحك ... البياع شرحوا .. الأهل والأصدقاء ,, خطيب الجمعة ... الناس بالشارع ...
الكل بيعرف أنو التلفزيون أكبر خطر على مضمون رمضان ... بس ماحدا بيطبق ( إلا من رحم ربي ) وطبعاً محسوبكم يعني حضرتي أكبر مثال
دائماً عامل حالي شيخ وعم أوعظ العالم ,, وبس يطلع شي حلو بالتلفزيون مابوعى على شي ومابرد على حدا .. الله يعفوا عنا ...
بس لازم الواحد يظل يحاول ويحاول ... والأهم أنو نظل مقتنعين أنو هالشي خطأ حتى لو مانفذنا .. لأنو الطامة الكبرى وقت الناس بتعمل الخطأ وهي مقتنعة أنو صح ..
خلينا نرجع نحاول نهجر التلفزيون برمضان ونتفرغ للعبادة ... واذا صعبة يا أخي هيك وهيك ..ومتل مابيقول المثل شي منو ولا كلو
اللهم أرنا الحق حقاً وارزقنا اتباعه..وأرنا الباطل باطلاً وارزقنا اجتنابه .. اللهم بلغنا رمضان وأعنا فيه على الصيام والقيام وغض البصر وحفظ اللسان ..يا حنان يامنان ,,يا ذا الجود والاحسان ...
أقول قولي هذا وأستغفر الله العظيم لي ولكم , فاستغفروه فيا فوزاً للمستغفرين .. أستغفر الله
الأحد أغسطس 16, 2015 4:50 am من طرف 
