يا عيب الشوم عليكِ!! أنا هيك ربيتك!! اقعدي انضبي!!

يا عيب الشوم عليكِ!! أنا هيك ربيتك!! اقعدي انضبي!!


وكلمات وعبارات ومصطلحات تتردد كل يوم بين أمهات وبناتهن وفجأة وبعد
عراكات طويلة يختنق الصوت، وتتلاشى الكلمات، وتختفي الأعذار، وتهرب الفتاة
محتضنة الكذب معتبرة إياه خير وسيلة للنجاة وللدفاع عن نفس مضطربة غير
آمنة.
تكبر الفتاة وهي تسمع كلمات مثل عيب، وهذا لا يجوز، تكبر وهي تشعر بعدم
التواصل مع أخوتها الكبار وأهلها ومجتمعها.ممنوع الحب، ممنوع المناقشة وهي
أخطر الممنوعات، ممنوع المصادقة، ممنوع الذهاب إلى المقاهي، ولكن الفتاة
تريد أن تجرب كي تتعلم من تجاربها، لكن التجريب أيضاً ممنوع!!! فتلجأ إلى
الكذب لتحمي نفسها من الناس الذين هم أيضاً يكذبون، وهكذا ندور في دائرة
ليس لها نهاية، دائرة الكذب والاختباء وراء أقنعة زائفة!!.
لماذا تكذب الفتاة على أهلها؟؟ هل هي ضحية لمجتمع وعادات شرقية ؟أم هو مجرد تمرد غير مبرر؟ وعلى من يقع اللوم؟

قد تحس الفتاة بالذنب انها تكذب على اهلها لكنها لن تستطيع ان تقول لهم اني اريد الذهاب مع صديقي لأنها ستقابل بالرفض وبقولهم (شو رح يقولو عليكي العالم اذا شافوكن سوا) اهي عدم ثقة الأهل بابنتهم ؟ ام انها بسبب المجتمع؟ام خوف على الفتاة من الذي يرافقها؟


نعاينها ونشعر بها لكننا لا نكلف انفسنا للوقف عندها واذا قلنا رأيا يكون نظريا فأتمنى ان تقولو كلام الفعل وليس كلام الشعارات
حبيت اطرح هاد الموضوع وياريت تشاركوني رأيكون

lموضوع حلو بلنسبة للبنت هية ضحية مجتمع مافي كلام أما اللوم بيقع على الأهل اولا وبعدين البنت بغض النظر عن البنت بدها تطلع مع شباب او لا هلق الأهل بينلامو من كبيت الأهل للبنت بهيك حالة متل مابقولو كتر شد الحبل بيرخي صح
وللوم التاني بيجي على البنت لازم تعرف انوا أهلها عم يحكوا لمصلحتا وهنن خايفين عليها لأن الزمان غدار
بلنسبة للثقة انا مابصدق واحد بخاف على بنتوا كتيييييييييييييييييييييير يعني كتييييييييير مابخليا تتلحفظ انو خايف عليها من الزمان بس هوو بكون نيتو عاطلة مع شي بنت لهيك بكون حريص كتير على بنتو مشان مايجي شب ويضحك عليها متل ماضحك على بنات الناس هي من ناحية الثقة يعني يلي مابيثق ببناتو ها هو السبب الوحيد انا عم احكي على التعصب الكبير مو الثقة العادية
هلق منجي للثقة العادية فسببا مجتمعنا مو خوف على البنت من يلي عم يرافقا بلعكس تماما يمكن يكون الشب احسن خلق الله بس العادات القديمة كرهت الشب يحكي مع بنت لا بصداقة ولا بشي
فاولا وأخير البنت ضحية غدر للمجتمعات هاد مو يعني انو انا حكيت هل حكي علق تنفشو ريشكن عليي بدبحكن هه ههههههههههههههههههههه
ملاحظة أخير بهيك حالات لما البنت بدها تحكي مع شباب ومصرة فأكيد بدون علم اهلها بس لااااااااااااااااااازم تكون البنت قد حالها وعلى حذر من الشباب بشكل عام الشباب بشكل عام أنانين ولسانن طويل يعني إذا واحد صادق بنت صداقة عادية بروح الشب بيساالو رفيقو وين كنت برد عليه بقلو والله كنت مع صاحبتي 0وكلمة صاحبة مو حلو بتدل على انو البنت مو منيحة وهية البنت بتكون احسن من اختوالهيك انا ما بحكي مع بنات على الواقع لأن إذا حكيت مع بنت انا شخصيا لح مو اعتبرها صديقة لح اعتبرها اخت بلنسبة الي اما بلنسبة للعالم يلي شايفتنا عم نحكي لح يقولو عنا صاحبتي وانا مابحبا ابدا لهل كلمة وكل هاد بيرجع للمجتمع
ولا تنفشوا حالكن يا بنات هه انا حكيت بموضوعية
وشكر روز الموضوع بجنننننننننننننننن متل صاحبتوا

شكرا علي كلامك منطقي
بس بدي ضيف شغلة انا برأيي باب الصراحة احسن حل لأي مشكلة وانا مو مع انو الأهل يمنعو البنت بلعكس انا برأيي لازم يوقفو حدا ويقولولا هاد الصح وهاد الغلط لأن اذا قالولا "مافي" فهي رح يصير عندا فضول تعرف ليه وهالحكي بينطبق عالشباب كمان لأن كل ممنوع مرغوب وهونن رح يبلش مسلسل الكذب ووقتا الأغلاط رح تزيد
بيقولو الام سر بنتا يعني لازم الام تكون متفهمة أكتر من الاب لأنها أقرب لولادها واكيد الولاد رح يعتبروها رفيقتون وهي الرفيقة مستحيل تخون او تغدر

مزبوووووووووط انسة مالازم تخبي على اهلها
وانا نسيت الصراحة تبع البنت لازم تكون صريحة مع اهلها شكر روز ذكرتيني بلصراحة ههههههههههه
لا انا شخصيا مابرضا حدا يجي ويطلب مني انوا يحكي مع اختي اي بشيل عيونوا التنتين
طبعا في حال قال بدو يحكي مع اختي مشان يرتبط فيا شي تاني ممكن اتقبل الفكرة بس بتقبل الفكرة بعد ما ادرس عنوا كلشي هههههههههههه
هلق يمكن تقلولي شام انو علي كان يحكي مع بنات بلمعهد كتييييييير كيف عم يحكي هل حكي هلق
أنا بقلك انسة انا صحيح احكي مع بنات وامزح بس أخوة عادية يعني جوات المعهد اخواتي وبرات المعهد مابعرفن اابداااااا

يا روز انا سبأ وقلتلك وشام قالتلك انوا كلام الناس
يعني بقبل يكون صديق لاختي بحالة وحدة يكون زميلا متل ما كنت انا زميل للبنات بلمعهد
بعدين مجتمعنا تفكيرو محدود يعني اذا شب حكى مع اختي وصداقة عادية ما لح يقولو انو رفيقا لح يقولو انهامصاحبة واحد ايميكي عن هي الكلمة لح يقولو البنت داشرة
وانا مابحلل الي وبحرم على غيري المجتمع يلي ساوا هيك فمافيني خالف المجتمع
وبلنسبة لالشب فانا بما أني شب لح اعرفوا اذا كان عم يتملعن ولا لاء
واذا اجا عرفني عن حالوا فأنا ما بتقبل غير يكون موضوع ارتباط
بعدين رفقاتي قلتلك بلمعهد اما برات المعهد مابعرفنننننننننننننننننن
بحكم انن زميلاتي
فانا حكيت رأي أنو المجتمع هوو يلي بيتحكم فينا مو نحن منتحكم بلمجتمع فلازم نعمل بلشي يلي يرضي مجتمعاتنا علما يمكن يكون مجتمعا محدود وعقلو صغير لسا ما تقبل الحداثة بدي فرمتوا ههههههههههههههههه

عكل بيبقى لكل حدا فينا ظروف ومحيط هو عايش فيه وبالتالي من الطبيعي نختلف بالاراء شكرا على رأيك علي

ت

علي الهادي كتب:

l
وللوم التاني بيجي على البنت لازم تعرف انوا أهلها عم يحكوا لمصلحتا وهنن خايفين عليها لأن الزمان غدار

بس مو يضغطو علبنت و لازم عل الاقل يخلولها شوي مجال لتعبير عن رايها و التصرف شوي برتحتها

بس انا ما عمخالف انو الاهل بيخافو على البنت و بيحبوها

و دا كلو من شان انو هيي تبقى بامان

و من شان يحافظوا عليها و على صحتها

[size=29]انا مع الانسة شام مليون بالمية ورايي متل رايها

بس هون بيكون دور الاهل بالطريقة يلي بيعلمو بنتهن فيها انو تكون حريصة

يعني ما يحسسوها بانو هني عم يجبروها على شي بس يحسسوها انو هني عم يعطوها خلاصة تجاربن بالحياة لانو الحياة قصيرة واذا بدنا نمضي عمرنا عم نجرب ونتلم من اخطائنا رح نموت وما عملنا شي صح وبصراحة مو كل الاهل عندن هالوعي بالتعامل مع ولادهن[/size=29]

انا الخط ما عم يكبر معي شو اعمل؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

صحيح ساندريلا بس انا عم احكي بشكل عام ومو كل الاهل عندن هالانفتاحية وبصراحة مو كلن بيناقشو ولادن بأي أمر كان ومهما كان انا ماعم قول ضد انو الأهل ينصحو ولادن بس بنفس الوقت أنا مع انو يتركو تقرير القرار للولد لحتى يصير يتحمل مسؤولية لأن الحياة كل مانها صعبة وأذا الأهل ماساعدو ولادن عتحمل المسؤولية بعدين بيضيعو لما بيتحتم عليهن يتحملو مسؤولية



(مع احترامي لأراء الجميع)

اي هيك هه ضلو بحبشو بلمواضيع القديمة انا اسبوعين زمااااان وبرجعلكن