عظمة الرجال(بالنسبة للرجال)أو هيوب الرجال(بالنسبة للبنات)

كيف يمارس الرجل الرياضة على شاطىء البحر؟

ج - يشفط كرشه كلما مرت أمامه فتاة جميلـة

س - كيف يعتبر الرجل نفسه متعاونا في الأعمال المنزلية ؟
ج - بأن يرفع رجليه من على الأرض لتكنس الزوجة تحتهما

س - كيف يفهم الزوج تقسيم المهام مناصفة في أعمال المنزل؟
ج - الزوجة تطبخ وهو يأكل، الزوجة تكوي الملابس وهو يجعلكها، هي تنظف البيت وهو
يوسّخ

س ـ ما وجه الشبه بين الرجال وإعلانات التليفزيون ؟
ما في وحدة عاقلة تصدق هادا ولاّ هداك

س - لماذا لا يُحسن الرجال التعبير عن أحاسيسهم؟ ج ـ - ليش هدول عندهم إحساس !؟

س - ما هي الحالة الوحيدة التي يطلب الرجل فيها من زوجته تناول العشاء في ضوء الشموع؟
ج - لمّا تنقطع الكهرباء

س - كيف يمكنك التمييز بين هدايا الزوج الودية، وهداياه لما يكون خابصلو شي خبصة؟ ج - الهدايا بتبقى أحلى في الحالة الثانية

س - ما وجه الشبه بين الرجال والطقس؟
ج - لا يمكن تغيير أي منهما للأفضل

س - ما وجه الشبه بين الرجل وشهادة الجامعة؟
ج بتضيعي سنين من عمرك منشان تحصلي عليها، وبعدين ما بتعرفي شو تعملي فيها

س- متى يتذكر الرجل أن المرأة تفتقر للتفكير المنطقي؟
ج - عندما تختلف معه في الرأي

س - وين بتلاقي رجّال ما بيطلع على وحدة غير مرته؟
ج - في المقبرة

شكرا خجلتوني بالرد على رسالة(شي شبابي)
بعدين شو مبين الخلاف بضل بين الامير وعالم بالفطرة
وكمان شو عم تقولوا انوا البداية قوية انتظروا شوي لسا الخير لقدام

س - ما وجه الشبه بين الرجال والطقس؟
ج - لا يمكن تغيير أي منهما للأفضل

هي مزبوطة 100 % يسلموا كابي

ومشان أمير وعالم هدول هيك ما بيقدروا يعيشوا بدون ما يتناقروا بس بيحبوا بعضهن كتير مو هيك أمير ؟ مو هيك عالم ؟؟؟؟
ويلا كابي عم نستنى منك المزيد لنشوف القوة الحقيقية

طبعاً طبعاً ,, مابده كلام ,, أمير حبيب قلبي ,, أصلاً مافي غيرنا شباب بالمنتدى فلازم

نضل أيد وحدة ضد الحملات البناتية الغاشمة ,,,
لكن الرجال مافيهم احساس يا غابي ؟؟؟
وبعدين مشان تقسيم الشغل هيك الله مقدر ,, المرأة بتشتغل بالبيت والرجال بيرفع رجليه
تجي مرتي لعندي عالمكتب وتقعد وتدمدمد وأنا عم أشتغل ؟؟؟؟؟

وبعدين أنا من أول ماتجوزت ماطلعت بحدا ,,, وأسألي شام اذا مو مصدقتيني ..

مو هيك شام عظمة الرجال(بالنسبة للرجال)أو هيوب الرجال(بالنسبة للبنات) Icon_wink

مزبوط وانا اشهد

لك أنا شو بيعرفني ليش انا شايفتك ؟؟؟

يا عالم بالفطرة صرنا ما بتعرف تعد (أنا\كابي\أنت\عالم بالفطرة\وأمير)3 شباب
وشكرا يا شام واهلا وسهلا فيكي كل يوم
والكلام هادا مو بس موجه لشام للجميع

احلى شباب شباب والله

أهلين كابي هاد واجبنا

أنا آسف حبيبي ,,, بس من موضوعك حسيتك معهن مو معنا ؟؟؟!!!

اللهم زيد وبارك

اول شي موضوع شو هالموضوع غابي يعني يلي بيقرا الموضوع بيفكرك معهن
بقى مشان هيك بدنا موضوع بالعكس يثبت انه مو بس نحن يلي عنا عيوب لانه هلأبيصدقو حالهن
وشكرا تقبل مروري

الله حيو كابي ياهيك المواضيع اللي بينشد فيا الضهر يأما بلا
ثابر وإلى الأمام ومشان موضوع العد ولا يهمك قد ماصرتو كتار منضل نحنا لامسيطرين مو هيك شام

مسيطرين ؟؟؟؟؟ على شو مسيطرين يا بعدي ؟؟؟؟؟؟

لا وحياتك روز مو انتو ابدا يلي بتسيطرا علينا انت غلطانة
ويا غابي اذا ما بتحط موضوع معاكس انا رح اطر وللاسف اني احذف هاد الموضوع ههههههه

موطالع بايدك تواجه فبدك تحذفو

إذا مو طالع بإدك تواجهن أنا بواجه سأل شام عن مواجهاتي بالمعهد وعلى تحدي بس بلا شد شعر

lor=red]]صح ومية صح الرجال ما شغلتن الا ينظرو ويخربو
واللي عندو كلام غير هيك يواجهني ايوااااااااااااااااااااااا
ولو كنتوا عشرة نحنا منغلبكن [/size]

بدك تسمحيلي أنا أتحدى جميع مافي الأرض من نساء

له يا روز مو انا يلي ما بيطلع بايدي واجهكن
ويا علي انا معك والنصر ات باذن الله

أت أت أت وعلى ثقى كبيرة ويلي ما بيعرفني بعرفو عن حالي انا أبو حيدر

اي لكان احلى ابو حيدر

هلا فيكي خليهن يحكو عراحتن بكرا منشوفن وقت الشدة بيفركوها على قولة الهريبة تلتين المرجلة

مو نحنا يلي منهرب أنتو يلي بتهربو

بس وينكون عم حضرلكون موضوع معاكس بس شو موضوع ..................موضوع على كيفكون

أنا عندي نصيحة للبنات وهي أنو تحفظوا ماء وجهكن وتنسحبوا بهدوء

وبيكون كتر خيركن اذا بتعملولنا شي كاسة شاي أو فنجان قهوة لأنوا هذا أكتر شي
ممكن أنكن تعملوا .... هذا اذا طلع بايدكن تعملوا ؟؟؟؟

وعلى راسي الأبضايات أبو حيدر وأبو عمر ,,, مع تحيات أبو هيثم برررررررررررررررر

يسلم راسك
أستاذ عالم

هلا حبيبي ابو هيثم والله كل حكيك صحيح

ضحكتوني هو معكن حق مو مستاهلة نعذب حالنا بالقتال معكن بس بالسياسة كلشي بيمشي الحال

ايه ضحكي روز لان بكرة بدك تبكي بعد الهزيمة المريرة الكن

سياسة !!! مو لتعرفوا معناها الحقيقي لهي الكلمة

والله كل كلا مك صح هنن بفكرو أنو بيفهمو بالسياسة بس هنن ما بيعرفو الخمسة من الطمسة
ولله لعقدكون بدي ساوي لكون عقدة أسمها سياسة الأبضايات ابو عمر وابو هيثم وابو حيدر
لك لا تحطو راسكون من راسنا الله يرضى عليكون
مظبوط ياشباب ولا لاء

بعدين من يضحك أولا يبكي أخيرا

حبيبي علي نحنا رح نضحك أولاً وأخيراً

ولح نضحك كتير

شو شايفة أخدين راحتكن كتير بالحكي !!!!
يا عيني حارتنا صغيرة وبنعرف بعض
وبلا ما انشر غسيلكن
أبو هيثم أفندي .. ويكون بعلمك نحنا بيطلع بايدنا نعمل شاي وقهوة صحيح بس بايدنا كمان نعمل شغلات كتير وأنت أدرى بلا ما احكي
أمير قصدي ابو عمر الكينغ شوف حبيبي انت هلأ لسه عالبر ومع ذلك غرقان بقى كيف ما تصير بقلب المي !!!!
علي أفندي روح بيع مي بغير حارة السقايين يعني أنا يلي بعرفك وبعرف شو عملت فيك نظرة بنت بس نظرة هاه بقى وين جايين بهالعجقة وعم تحكوا
هو معكن حق الحكي سهل ومو طالع بايدكن غير الحكي بقى احكوا وفشوا قلبكن

الله يسامحك يا شام أصلا هية مابتستاهل

شو هو يلي أنا أدرى فيه ؟؟؟ أكيد عم تصلك معلومات خاطئة ,, لك أنا سي السيد !!

بعدين أمير عالبر ورح يبقى عالبر وحتى لو نزل عالمي بيعرف يسبح !!!!

ومشان النظرة هذا بيأكد أنو رغم قوتنا عنا احساس مرهف وقلب عطوف .. بس اذا البنت مابتستاهل مندوس على قلبنا ولا بيهمنا ,,, مو هيك علوش

طاع بدكن حرب يا شباب
بس متل ما عم تئول شام انتو خصرانين
لهيك نحن البنات رح نورجيكن الرحمة
وما رح ندخل هالحرب
يالله روحوا العبو بغير حارة

لأاء بدك تسمحيلي أنتو ما بتسترجو تفوتو حرب معنا ولح نلعب بهي الحارة

لا يا سيدي بدكن تلعبوا لحالكن على هالحالة
لانو نحنا ما بدنا نئزيكن
يالله بسرعة لعبوا على الهادي ما بدنا صوت

ولله نحنا ما عم نلا قي مين يأزينا بدنا مين يأزينا أنتو أربو وجربو نحنا الشجعان الثلا ثة

ههههههههههههههههههههههههههههههههههههه
ولاد

الله يسامحك ما فيني ألك غير هيك

لك يا علي ويا عالم من عل عقلكن عم تتخانقوا معهن خلص خليهن يحكوا يلي بدهن ياه لانه شو ما حكوا ما رح يغير شي بقى تركوهن
اصلا انتوا وقت عم تتخاقوا معهن عم تعطوهن اهمية كبيرة وهنن مابيستاهلوها

اولتك يلي بعلق مع ولاد بيتبهدل

حلال عليك هلأ بلشت تفقهم عليي

شو أخجين راحتن عالأخير وبعدين حضراتكن بلشتو والبادي أظلم وبدكن تنسحبو بهدا الله معكن وربي يرضى عليكن مسكو ايدين بعض انتو وعم تقطعو الشارع

ماشالله حولك أمير

يلي بيسمعك بيفكر انك شي واحد عاقل وعقلو كبير
روح يا عمي حارتنا ضيقة وبنعرف بعض
ومتل ما قالتكن روز انتبهوا وامسكوا ايدين بعض

ايه عاقل وبوزع عقل على سوريا كلها اذا بدك
قلكن شو مارح صغر عقلي ورد عليكن احكوا لتشبعوا

أصلا كل الحق على كابي هو يلي خلى الحرب تشعل
بس أنا علي أبوحيدر عكيد المنتدى نحنا الشباب ماحدا بعلم علينا مظبوط يا عالم ويا أمير
ولك بنصحكون تروحو تساوو متل ما آل عالم كاسة شاي بس لا تحلوها

ياسلام

يا بنات أنتوا بايدكن تنهوا الحرب ,,, استسلموا ويا دار مادخلك شر

عظمة الرجال(بالنسبة للرجال)أو هيوب الرجال(بالنسبة للبنات) Bigun

عظمة الرجال(بالنسبة للرجال)أو هيوب الرجال(بالنسبة للبنات) Camper

عظمة الرجال(بالنسبة للرجال)أو هيوب الرجال(بالنسبة للبنات) Automatic

عظمة الرجال(بالنسبة للرجال)أو هيوب الرجال(بالنسبة للبنات) Armed

عظمة الرجال(بالنسبة للرجال)أو هيوب الرجال(بالنسبة للبنات) Awm

عظمة الرجال(بالنسبة للرجال)أو هيوب الرجال(بالنسبة للبنات) Ak47yl

عظمة الرجال(بالنسبة للرجال)أو هيوب الرجال(بالنسبة للبنات) Ale

عظمة الرجال(بالنسبة للرجال)أو هيوب الرجال(بالنسبة للبنات) Plasma

عظمة الرجال(بالنسبة للرجال)أو هيوب الرجال(بالنسبة للبنات) Rambo

الصورة تتكلم
بدون تعليق عظمة الرجال(بالنسبة للرجال)أو هيوب الرجال(بالنسبة للبنات) Gunsfiring

» فن تعامل الرجال الشجعان مع النسوان
» القواعد العامة... للتعامل مع الرجال
» من أسرار الرجال
» الرجال بيدبر حالو
» الكولا تقلل خصوبة الرجال