نتائج مباريات كأس العالم

مرحبا يا شباب

مطلوب منكن خاصة الشباب كل يوم تحطوا نتائج المباريات
لأن أنا ما عم أقدر تابع وما عم أعرف النتائج بقى بدي ياها منكن
ومعلش اذا بلشتوا من البداية
واذا بتحطولنا مين سجل الاهداف وملخص صغير عن المبارة ما بنقول لأ
وهيك كمان بنكون عم نحكي بلغة هي الأيام
لأن حديث اليوم طبعا هو كاس العالم
بقى يلا شدوا الهمة

جنوب افريقيا * المكسيك
0 0
ارجواي *فرنسا
1 1
الأرجنتين *نيجيريا
1 0
كوريا الجنوبية *اليونان
2 0
انكلترا *USA
1 1
الجزائر*سلوفانيا
0 1
المانيا *استراليا
4 0
صربيا*غانا
0 1
هولندا *الدنمارك
2 0
اليابان *الكاميرون
1 0
ايطاليا *البارغواي
1 1
نيوزلندا *سلوفانيا
1 1
البرازيل *كوريا الشمالية
2 0

يا عيني عليكي يا روز

فشيتلي قلبي
بس ما قلتيلي انتي مين عم تشجعي ؟؟؟

كمان هون رياضة!!!!!!!!!!!!!!!!!!!!!!!!!!!!!!!!

اي شو ما بتحبي الرياضة جوجو ؟؟

طيب منبلش من بعد مباراة البرازيل *كوريا ش
نيو زيلندا *سلوفاكيا
1 1
ساحل العاج * البرتغال
0 0
هندوراس * التشيلي
0 1
اسبانيا * سويسرا (وهنا كانت مفاجئة للكل خسارة اسبانيا)
0 1
جنوب افريقيا * الاروغواي
0 3
الارجنتين * كوريا ج
4 1
اليونان * نيجيريا
2 1
فرنسا * المكسيك
0 2
المانيا * صربيا (وهنا ايضا كانت مفاجئة خسارة المانيا
0 1 بعد اقصاء اللاعب الدولي كلوز من صفوف المنتخب الالماني وتضييع ركلة الجزاء
سلوفينيا *الولايات المتحدة
2 2
وسيقام في ملعب كيب تاون مباراة بين المنتخبين الجزائري والانكليزي
في مساء اليوم الجمعة 18 حزيران وذلك في تمام الساعة التاسعة والنصف

ودمتم بخير

ايواااااا

شكرا عالملخص أمير
بدي اجي اتفرج على مباراة الجزائر عمل حسابك

تعادل سلبي للجزائر مع انكلترا
بس تصحيح لنتيجة مباراة البرازيل وكوريا ش كانت 2 -1 طبعا للبرازيل

مبروك للجزائر انجاز كبير تعادلها مع انكلترا

انشالله تكمل
وما حدا قلي هو مين عم يشجع
روز مع مين ؟؟؟
أمير ؟؟؟؟
عالم .؟؟؟؟
جوجو ؟؟؟؟
أنا ؟؟؟ ايطاليا والمانيا

مبروك هاد يلي طلع معك شام
ومتل ما قلتي انت انجاز اكبر من الكبير انه تعادلت
انا انكليزي وللعظم كمان وارجنيني
شام عالم متلك ايطالي
واخر اخبار المباريات
فوز هولندا على اليابان بهدف مقابل لاشيئ بتوقيع الاعب ويسلي شنايدر
وتعادل استراليا مع غانا بهدف لمثله

الله حيوووو عالم

والكاس لايطاليا
اما انك انكليزي هي ما عجبتني أمير
بس يلا اذا الجزائر عملت هيك بالانكليز شو بتتوقع منهن ؟؟؟

هههههههه لايطاليا !!!! ما بظن
ايه انكليزي ومشان الجزاءر لانه الواحد بيلعب فريق ضعيف اصعب ما يكون قوي
لانه الضعيف ما عنده شي يخسره وبس بده يخسر الفريق التاني وبيحط 11 لاعب بمنطقة الجزاء تبعه بقى شلون بدهن يفوتوا

فوز الدنمارك على الكاميرون 2-1

البرازيل * كوت ديفوار
3 1
ايطاليا * نيوزيلندا
1 1
سلوفاكيا * بارغواي
1 1
اسبانيا * هندوراس
2 0
تشيلي * سويسرا
1 0
برتغال * كوريا ش
7 0

المكسيك * الاورغواي
0 1
جنوب افريقيا * فرنسا
2 1
وطبعا تأهلت المكسيك والاورغواي الى الدور 16

نيجيريا * كوريا ج
1 2
اليونان * الارجنتين
0 1
وطبعا تأهلت الارجنتين وكوريا الى الدور 16

يسلموا اميري

بس سلوفاكيا والبارغواي 1 -1
ولا 2-0 للباارغواي ؟؟؟؟؟؟؟؟

كلامك صح شام الباراغوي فازت على سلوفاكيا 2-0

وتصحيح تاني : نيجيريا تعادلت مع كوريا الجنوبية 2-2 بس طبعاً المتأهل كوريا
وتصحيح تالت : الأرجنتين فازت على اليونان 2-0 ...

الهيئة أمير ترك المباريات قبل ما تخلص ....

والله حيو ايطاليا والجزائر ... والجزائر قبل ايطاليا ...وان شاء الله الفريقين يعوضوا
النتائج المخيبة و يتأهلوا عالدور 16 ....

شو هاد أمير عم تعطيني نتائج غلط ؟؟؟؟؟؟؟؟؟؟؟

حيوووووووووووووووو الجزائر يلي عم تلعب بالوقت الحالي مع أمريكا وانشالله بيقدروا يكسروا راسهن عالاقل بالطابة نقدر نغلبهن
وأهلين عالم شو رأيك الكاس لايطاليا ؟؟؟؟؟؟؟؟؟

والله يا شام حتى بكرة القدم ماطلعلهن مع اميركا للاسف يعني
لالالالا الكاس مو لايطاليا الكاس للارجنتين

فوز اميركا على الجزائر بهدف مقابل لا شي في الدقيقة 90
وفوز انكلترا على سلوفينيا بنفس النتيجة
وتاهل الى الدور 16 اميركا وانكلترا

لأ عيني الكاس لايطاليا

وبكرة بتشوف
بسيطة تعود هالخد عاللطم ( باالنسبة للجزائر وامريكا )

ايه بكرة انتي بتشوفي انو الكاس للارجنتين

فوز المانيا على غانا بهدف الى لا شي
وفوز استراليا معنويا على صربيا 2-1

وتاهل المانيا وغانا الى الدور16

هاها شو شام شفتي شلون انو الكأس مو لايطاليا اخ ياريتني مشارطك على شي

اقصاء المنتخب الايطالي حامل اللقب في مونديال 2006
بعد خسارته المؤلمة امام سلوفاكيا بهدفين مقابل ثلاث اهداف
وتاهل المنتخب البارغوياني والسلوفاكي الى الدور 16 بعد تعادل البارغوي ونيوزيلاندا سلبيا بدون اهداف

لا يا أمير الكأس برازيلي و بالنهائي بتشوف
ويا شام أنا كمان برازيلي وإيطالي بس إيطاليا هالكأس مو للطليان(الإيطاليين)

اي اصلا أنا ما بحب الطليان مشان هيك شجعت فريقهن مشان يطلعوا من الدور الأول

لان كل ما بشجع فريق بيطلع خخخخخ
وهلأ انا مع ألمانيا مع اني متوقعة تكون المباراة النهائية بين الأرجنتين والبرازيل والله أعلم
يعني بيجوز فريقك كابي ياخد الكاس

الكاس للارجنتييييييييييييييييييييييييييين وبس وشوفوا شلون وبتقولوا امير قال

الحظ مع ماردونا سواء كان عم يلعب او عم يدرب يا لطيف شو محظوظ

نسيت باركلك أمير بخسارة انكلترا مع ألمانيا

ومو أي خسارة يا حرام

أسوأ مونديال بشوفو بحياتي .... والله الدوري السوري حماسي أكتر ؟؟؟

على كل حال خلينا نكمل من بعد ايطاليا
اليابان فازت على الدنمارك 3:1
هولندا فازت على الكاميرون 2:1
البرازيل تعادلت سلباً مع البرتغال
فوز متأخر غير كافي لساحل العاج على كوريا الشمالية 2:0
اسبانيا فازت على تشيلي 2:1 وتصدرت
سويسرا تعادلت سلباً مع الهندوراس وخرجا سوياً

الدور الثاني :

الأورغواي فازت كوريا الجنوبية 2:1
وغانا قلّعت أمريكا 2:1
ألمانيا بهدلت انجلترا ( آسف أمير ) 4:1
الأرجنتين فازت على المكسيك 3:1
هولندا انتقمت لايطاليا وفازت على سلوفاكيا 2:0
والبرازيل فازت على تشيلي 3:0

حكيك مزبوط عالم رغم كل المحاولات ليخلوا المونديال حماسي

ورغم الصرعة الكبيرة يلي سبقت المونديل بس هلأ انطفت كل الحماسة
يلا لنشوف الأدوار النهائية بركي بيكون فيها شي مميز

الكل كانوا متوقعين النهائي يكون من امريكا الللاتينية يعني أرجنيتن وبرازيل

بس البرازيل خيبت أمال مشجعينها وما قاومت الطزاحين الهولندية
والأرجنيت تشرشحت ادام ألمانيا بنتيجة مخزية
يا حرام
وهلأ يا ترى لمين الكاس ؟؟ اسبانيا ؟؟ ألمانيا ؟؟ ولا رح نشوف مفاجآت تانية ؟؟

خلصت المفاجآت .... كل الكبار صيفوا ,,,

منطقياً وحسب النتائج واللعب ألمانيا هي المرشحة ,,, بس الهيئة مافي منطق بهالمونديال

فأنا بتوقع فريق الوحدة يفوز بكأس العالم ,,,,هههههههههههههههه ,,, وحداوية

وحداوية ..... وحداوية

اي كل شي بيصير بيجوز الوحدة ياخدوا الكاس بس بلأول خليهن ياخدوا الدوري
وأنا بقول ألمانية المرشحة الأقوى

المنتخبات التي وصلت النهائي هي:1-ألمانيا
2-إسبانيا
3-هولندا
4-أورغواي
المنتخبات التي سوف تلعب:ألمانيا و إسبانيا
هولندا و أوروغواي

رح نعتبر أنو هولندا هي الوحدة بما أنو بيلبسوا برتقالي .....

اي معقولة عالم يلا معناها رح نشجع هولندا

كابي شكرا للايضاح بس ما قلتولي ايمتى المباريات وياترى رح ينقلوهن عالجزيرة المفتوحة؟؟؟؟

اي يا شام المباريات منقولة على (الجزيرة الرياضية 1 + 2)
تم فوز إسبانيا على ألمانيا 1-0
وفوز هولندا على الأوروغواي 2-1

اي يعني هيك اسبانيا وهولندا رح يلعبوا عالاول والتاني

والمانيا والأرغواي عالتالت والرابع
يسلموا كابي عالمتابعة

أهلا ولو هادا واجبي
والمبارة النهائية(إسبانيا ضد هولندا)ستعرض يوم السبت أو الأحد

يوم السبت لعبت ألمانيا ×أورغواي 3-2
اليوم يوم الأحد ستلعب إسبانيا × هولندا
وسأعلمكم بالنتائج غداً الإثنين

بس مين عم تشجع انت كابي ؟؟

أنا عم شجع اللعب الحلو يعني سواء اسبانيا أو هولندا المهم نشوف مباراة حلوة

إسبانياااااااااااااااااااااااااااا
إسبانيا إسبانيا إسبانيا
إسبانيا بطلة كأس العالم 2010 بعد فوزها على منتخب هولندا 1-0 بهدف سجله اللاعب iniesta
في الدقيقة 28 بالشوط الإضافي الثاني
والحقيقة أنا فرحت كتير لأنو كنت عم شجع إسبانيا
وحارس المنتخب الإسباني casillas أفضل حارس في كأس العالم 2010 بعد تصديه لضربتي جزاء
ومبروك لإسبانياااااااااااااا
viva la espania

الله حيو ونعيما إلي طبعا هلأ لتذكرت بارك بفوز اسبانيا بس أن تأتي متأخرا خير من ألا تأتي أبدا
الف مبروك

» ترقبو نتائج الأمتحانات
» نتائج الثانوية العامة
» قصة هزت العالم
» الرومانسية حول العالم
» طرائف من العالم