رسالة من تحت الماء

هي يا شباب مو موعظة ولا خطبة، ولا دليل مستخدم ولا كتالوغ وطن، وما بدي غير رأي حدا لانو كل واحد عندو رأي متمسك فيه بحكم تياسة العقل البشري التاريخية والمتجلية في أطنان التحذيرات على بواكيت الدخان ووجود مليارات المدخنين. هي ببساطة فشة خلق، لا بدي صلح من وراها البلد، ولا بدي احفر اسمي بحروف من ذهب، ببساطة بدي فرغ شوية طاقة.وحس بشوية راحة ضمير. اذا كنت من القلة يللي بتحب تقرا بوطننا العربي الجميل كملها، واذا كان مخك بيدخن وبتنفث البخار من ادانك لما تشوف كتير حروف مصفوفة فلك ان تنعتها بالعلاك المصدي وتتركها.

أنا حزين للغاية، ومبسوط للغاية،خايف ومتفائل. زعلان عالدم يللي عمينسفح عالطرقات، مقهور من المحتفلين بالشوارع والناس عمتموت بالصنمين، مطموز من ولاد المسؤولين يللي عميطلعو يسكرو شوارع البلد بسياراتهم الفارهة بدون ادنى احساس بانو هالحركات جزء كبير من المشكلة، ممغوص من الاعلام السوري يللي لساتو بالعصر الحجري، ومن اعلام الجزيرة والعربية يللي مسمي حالو حر وكلنا منعرف وين مربوط، ومن اعلام الفيسبووك يللي بيحط شي صار وشي ماصار واحيانا شي اسخف من التصديق. وبيهلل لظهور القرضاوي ذو الخطاب الطائفي البشع . زعلان من المؤيدين يللي مقتنعين انو المتظاهرين كلهم خونة ومدسوسين، ومن المعارضين يللي مقتنعين انو كل شي مؤيد هوه خايف او جبان، من قسم المعارضين يللي الو انتماءات عائلية وابعاد اقليمية، ومن قسم الموالين يللي الو منافع ومكتسبات. خايف على 18 طائفة واعراق مختلفة بتشكل وقود لتسيير اعظم مركبة او وقود لاحراق اكبر بلد. خايف من بعبع اسمو اسرائيل، كل الناس بتعرفو منيح وزعلان من يللي بيحاولو يقزموه من المعارضين ويللي بيحولوه لاصل كل المشاكل من الموالين. وبنفس الوقت فرحان كتير، فرحان لانو لاول مرة بينحكى عن قانون الطوارئ ولو كانت دراسة، فرحان لانو الناس عمتطلع تعبر عن المها وتعبها، فرحان لاني اول مرة بتناقش مع اهلي بالسياسة وكل واحد منا برأي ومؤمن بمخاوف التاني وبآمالو. فرحان لانو الله لما خلق البشرية خلق لكم من انفسكم ازواجاً ، وهلق صار عندكم من مواطنيكم ازواجاً ، مع وضد.
وبالآخر انا متفائل انو هالزواج بين طرفي الشعب رح يولد وطن اكثر صحة وعافية وليس طلاقاً ابدياً .

ملطووووووووش بس عجبني كتيررررر لان فعلا بعبر عن الحالة الراهنة

شكرا شام على الموضوع الحلو
وانا بعتقادي ثلاث ارباع الناس يلي عم تطلع مظاهرات مراهقين اهليهن ابهاتهن واهليهن ميتة
عم ياخدو مصاري ويطلعو مظاهرات ويخربوا بهل البلد
والربع البقيان منن نصن طالعين مو عن قناعة باعو بلدن واهلن بزبالة الدنية
والنص التاني مو سوريين
يعني هنن مابيجوا لعندي او لعندك هنن بروحوا لعند ناس جاهلين فينا تقول
هي شغلة والشغلة التانية سوريا بكل عمرها مقاومة ولح تضل مقاومة
وسورية انتي بتعرفي مرقت بأيام أصعب من هي الأيام وتجاوزتها
وبأذن الله هي المشاكل بائت بالأنتهاء
وشكرا مرة تانية شام

عدد المساهمات : 239 تاريخ التسجيل : 07/08/2010

أول شي شكرا شام عل الموضوع
مع اني بخالف علي الرأي
برأي انو في من الناس يلي طالعة عندها مطالب وبدها ياها تتحقق
ومافي شك انو في ناس عم تطلع للتخريب كمان
بس رأي انو الدولة بتكون احسن إذا كان فيها معارضة شريفة وها المعارضة اعترف فيها الرئيس بشار الأسد
وبالنسبة للإعلام فكمان هو التاني عم يزودها
ومنرجع ومنقول لا للطائفية

في ناس الها مطالب بس مابتتحقق بهل الطريقة
هي صارت مضارب مو مطالب شو نوع المطالب يلي عم طالب فيها؟؟؟؟؟؟؟
يعني ناقشت أكتر من واحد بألك بدي حرية وهو مابيعرف شو معنى الحرية يلي عم يطالب فيها

» الوقت المناسب لشرب الماء
» رسالة للعالم
» رسالة من صعيدي الى زوجته
» رسالة إلى رسول الله