طبعاً مع بعض التحفظ !!!لأنو مو الكل هيك !!!!!!!!!
عشرة اشياء تتعلمها من السوريين
الاستغلال:
من اول ضربة كف بالشارع كلو بلش يعمر طابق تاني مخالف ويلي ماعندو اسطوح فتح بير ارتوازي جنب البيت ويلي ماعندو شي اشترى هونداية وبلش يزق بحص ورمل وشمنيتو.
الجحشنة:
من اول يوم بالأزمة بلشت هالعالم تشتري بهدولار$ وتخزن خبز وطحين وذرة صفرا وبامية وقناني مي فاضية وعلى قولة اذا هالخبزات باتو وما اكلناهم منخليهم للفتة يوم الجمعة واذا ما مشي الحال مو مشلكة منلطي لهمسكين يلي بيشتري خبز يابس.
الحيونة:
كلو صار يمشي بلا حزام امان وكلو صار يقطع الاشارة وكلو صار يفييم السيارة يامعلم وشي افانتي وشي سيراتو وخود على تشفيط واغاني وطنية.
عقدة النقص:
من وقت لي درجت موضة المندسين صار الشعب كلو أمن وكلو صار يلبس هالجواكيت الجلد ويقدحك هديك النظرة المروحية وخود على بطولات وكش , شي كمشو مندسين عندو بالحارة وشي كمش مندس مع اختو بالغرفة ..
الرأي الاخر:
فورا درجت موضة الرأي الأخر ومو مهم اي رأي المهم يكون رأيو غير رأيك ومن رأي مرتو شرط مايكون رأي مرتك متل رأي مرتو
او رأي ابنو لصغير يلي ماشالله يقبر ابوه فهمان المؤامرة من لما كان بالحفاض (وبيقول مو لأنو ابني بس ابني ذكي كتير) وكلو صار يطلع عالتلفزيون ويعلك وصار قانون الطوارئ يامعلم اخدينو من نحنا بالابتدائي و كل الشعب بيفهم فيه.
الإعلام:
من اول يوم والاعلام السوري عم يواكب الحدث يعني فيك تقول ماخلا مذيع معفن من ارشيف التلفزيون إلا طلعو على هالشاشة يبث عقدو النفسية واحدث مناسبة يبتذكراهالمذيع يلي مابتعرفوا مذيع او مساعد اول بالأمن الجنائي كانت لما رئيس الوزراء دشن فرن ابن العميد من شي عشرين سنة وبيجيك بعدين دور المذيعات الحلوة فيهن لابسة طقم كنبايات وطالعه فيه.
الجعير:
طبعا سمعنا كلنا الجعير بالمظاهرات جعير من كل الانواع ومن كل الاحجام يعني اذا كنت نايم يوم الجمعة ومرقت من جنبك شي مظاهرة بتكره حالك وعلى حرية حرية نحنا بدنا حرية ولما بتخلص المظاهرة بيجيك بياع الفول وعلى فولية فولية نحنا بدنا فولية ..
وماننسى طبعا مظاهرات التأييد يلي صارت اماكن لاستعراض السيارات وانواع الزمامير وتطبيق البنات يلي شالفين حالن من الشبابيك ’’ والله يحميكن.
الطيلسة:
يلي اخدلو قرض نام عالسيرة وبلش يخطط انو اذا خربت من كون نفدنا بهالقرض والبقالية يلي بدو من الزباين مصاري بلش يعلق اللافتة المشهورة (( نعتذر عن الدين ))
وغير السرقة والنصب والكش والتعصيب واكل الهو وخود على عقد قال حرية ؟؟!!! لك والله اذا بتجيب نظام من اليابان ليحكم هالبلد بيعطل تاني يووووووووم
الأحد أغسطس 16, 2015 4:50 am من طرف 
