الفرق بين الإنسان والحيوان؟؟؟!!!

طبعاً أول ما تشوفو عنوان الموضوع رح تقولو الفرق كبير وشوها السؤال الغبي بس بعدين رح تلاقو الحق معي وفي ناس مانها عرفانة الفرق .

وخاصة لما تشوفوا بنت حلوة غنية ماسكة الكلب تبعا لتشوف حالها وتلفت نظر العالم وعم تحكي معاه وعم تدللو أحلى دلال وتطعميه أغلى أكل و لما تخليه ينزل على الأرض طبعاً رح تشوفوه لابس ثياب صممت خصيصاً لهيدا الحيوان (مع كل احترامي طبعاً )صممها مصمم مشهور أخذ منها مصاري( نقود) بتعيش فيها أسرة شهر كامل بس بعدين منقول معليش (رزق الهبل على المجانين )بس كان ممكن تلبَس ولد يتيم أو فقير بها المصاري وتكون دخلت الفرحة على قلبو وزرعت البسمة على وجهو بدال ما تربَط ها الكلب المعتَر يلي بيتمنى يقطع الثياب بسنانو وبمخالبو وطبعاً بتكون كسبت ثواب عند الله لأنو يعني الله دخيل اسمه مارح يشعر بالسعادة من ها البنت يلي لبست كلب ثياب مانو بحاجتها أو طعمته مأكولات غالية لأنو الكلب على كل الأحوال بياكل عظم ولو دللتيه كتير مارح يصير بني آدم وتفرق الطعمة كتير معاه بس عند الإنسان بتفرق وعلى كل الأحوال الدلال الحقيقي عند الحيوان بكون بالحب والرعاية مش بتبذير المصاري.

طيب الست الي ما عندها ولاد ليش مابتتبنى ولد يعيش بسعادة معها وتعطي حنانها بدال دزينة الحيوانات الي حوليها والي مارح ينفعوها بشي مهما كانت ها الحيوانات وفية لما تحتاج حدا جنبها.

طيب شيلونا من هي الست وخلنا نحكي عن السيد مدير الأعمال فاحش الثراء يلي معاه مصاري مانو عرفان شو يعمل فيها فبروح على حديقة الحيوان وبيدفع مليارات ليدلل حيوان الباندا المهدد بالإنقراض والذي ينسى أو يتناسى العالم الجوعانة والي عم تموت من الجوع بإفريقيا وحتى تعيش بتاكل فطير الطين يا جماعة أنا مع حقوق الحيوان وبحب كل الحيوانات بس لازم نحس بأخونا الإنسان ونقدم لو فينا أبسط حقوقه .

يعني ها الناس يلي عم تبعثر المصاري هون وهون على الفاضي ما فيها تحمي إنسان من الموت لو تبرعت بها المصاري لمشفى يعالج الأمراض المستعصية شو مارح يحسو بسعادة؟!

أما الجواب عن السؤال يلي سألته :يا جماعة الحيوان لو تركتوه بحاله بعيش بنعيم يعني حيوان الدودو ما انقرض لو تركه الإنسان بحالهو أما أخوك الإنسان ياصاحبي ما بعيش بدونك ودايماً بيحتاجك جنبه تساعده (الناس لبعضها).

وخلاصة الكلام يا أخي بتحب الحيوانات ربي حيوان بس بالعقل وطبعاً لا تنساه وتهمله لأنه هو روح والله خلقه بس كمان لا تنسى أخوك المحتاج لأنه هو مسؤوليتك وبتكسب ثواب لو ساعدته .

معلومات بديهية غير معروفة عند بعض الناس :

· الخنازير لا تحتاج إلى مكيفات .

· القطط والكلاب لا تحتاج للثياب .

· الطيور لا تحب الأقفاص الذهبية .

· الحيوانات لا تحب الألماس .

· تظهر الحيوانات في قمة جمالها في وطنها الطبيعي .

· قمة الدلال الذي يحصل عليه الحيوان الأليف هي بمنحه الحب و الاهتمام.

· السبب الرئيسي لأمراض الحيوانات هو نشاط الإنسان الَي مالو داعي .

شكراً لصبركن وبتمنى يكون الموضوع عجبكن صحيح حقيقة مرة ويمكن الحكي مارح يحليها بس لعل وعسى أصحاب الشأن يفكرو شوي ويحلوها .

مع تحياتي
Vicky

يسلموا هل لادين كتييير حلو والله يبعد عنا القطط والكلاب والعصافير لاني بكرهن

موضوع أكثر من رائع ... يسلموا فيكي

بعدين في حدا بيكره العصافير يا عسلة ؟؟؟؟

يسلموا فيكي الموضوع كتير حلو
بس اعذريني حذفت الموضوع المكرر
هي عسلة بتكره كل شي بيطير اكبر من الدبانة مو هيك عسول
والله يعين يلي حواليها وقت تشوف شي طير

يسلموا فيكي كتير حلو
ليه يا عسلة ما بتحبي لا القطط ولا الكلاب ولا العصافير
طيب ماشي القطط والكلاب معليش بس عصفير
ليه أحلى شي العصافير

شكراً للكل أنا كتير مبسوطة لأنو الموضوع عجبكن
وأنا ماني ظد الحيوانات بس ضد العالم يلي ما عم تعطي أخوها الإنسان حقه

معك حق فيكي .وشام معا حق .بعدين قولولي عقارب حيايا صرصير بس مو طيور بموت رعبة منها

مظبوط كلامك فيكي ماحدا ضد الحيوانات بس أحيانا
بتكون الحيوانات أوفياء للأنسان أكتر من وفا الأنسان للأنسان
شكرا فيكي
بعدين يا عسلة الطير بيعطي رمز للحرية
والعقارب والحيايا بتعطي رمز للأذى مظبوط حكي ولا لاء
عالم الحيوانات متل عالم الأنسان فيه خير وفيه شر

طبعاً بس الحيايا أعدة بالارض مو متل العصفور بطير بوش الواحد وكتتتتتتتتتتتتير بقرف منو وعلى كلن بكره كل الحيوانات وبموت رعبه منها والحيوان الوحيد يلي بقدر امسكوا السلحفاه

باينتك أنتي خويفة كتير الله يعينك

خويفه بشغلات وشغلات

الحمد لله ما بخاف من شي بهل الدنية
مو بخاف من شغلات وشغلات متل بعض عالم

ايه منيح ليش اسمك شب لكان

مشان خوف العالم كلها
بعدين أسمي علي مو أسمي شب

ههههههههههههههه باينتك ظريف

ألتلك أسمي علي مو ظريف من وين عم تجيبي هل الأسماء

اول شي يسلمو فيكي على الموضوع وفعلا هاد يلي عم يصير وانا من جهتي بستحقر كل واحد هيك مع اني انا بعشق شي اسمه حيوانات بجميع انماطها

» من أرقى ما يتعلمه الإنسان في الحياة
» الفرق بين thanks وthank you
» الفرق بين الرومانسية و الحب
» الفرق بين الحبيب والخاطب والمتزوج
» الفرق بين الزوجة والسكرتيرة