انتبهو يا شباب

موضوع: انتبهو يا شباب الجمعة أبريل 09, 2010 6:38 pm

ترجمة لغات البنات

نعم = لا

لا = نعم

ممكن = مستحيل

مستحيل = اترجاني أكتر

شوف هالفستان شو حلو = يلا لا تكون بخيل واشتريلي ياه

أنا رح اتأخر شوي = يعني راحت أربع خمس ساعات

القرار قرارك حبيبي = يا ويلك ازا ما سويت اللي قلتلك عنه

أعمل اللي بدك إياه حبيبي = رح تدفع الثمن غااااالي :

خلينا نتناقش أكتر بالموضوع = اللي براسي رح أسويه

لا عادي أنا مو زعلانة = طيييييب انا رح أورجيك يا ويلك مني

لازمني شوية عفش بالبيت = أنا رح اغير العفش كله

أنا بسمع صوت مزعج وأنا نايمة = أنت بتشخر وأنت ناايم يا لووووح

دقيقة ورح أجهز = احضرلك فيلم أبو ساعة ساعتين لأني مطولة

في أشياء لازم نتعلمها في حياتنا = لازم تتعلم تسمع كلامي

طيب طيب سامعتك أي فاهمة = لا حياة لمن تنادي

سامعني حبيبي؟؟ = أنت أطرش؟ ليش ما بترد؟؟

بتحبني حبيبي؟ = أكيد بس بدي أطلب طلب
حبيبي أديش بتحبني ياعمري كله ؟؟؟ = أنا عملت مصيبة سودة

هاهاهاهاهاها

يسلموووووو ساندريلا وفعلا البنات هيك وشكرا الك على التنبيه الهام
عالم دير بالك من هالكلمات مشان مرتك يعني

عفوا ولو دائما في الخدمة يا امير ..................

هاد اسمو ذكاء ودبلوماسية

تعلموا يا جنس ادم
يسلموا سندريلا عالموضوع الحلو

عفوا ولو دائما في الخدمة يا امير ..................
تسلمي سندريلا كلك زوق وشكرا الك مرة تانية على الموضوع الظريف

لكان ذكاء ودبلوماسية هاد يلي طلع معك شام

إي طبعا ذكاء ودبلوماسية
موضوع كتير ظريف مشكورة سندريلا ( شو مبين بلا نكش و حرقصة ما بتفتحي النت )

لك شفتوا مين يلي بحير ومابيعجبوا العجب ولاالصيام برجب

قل دبلوماسية قال ههههههههههههههههههههههههههههه

طبعا دبلوماسية وبدكن شي 150 سنة لتتعلموا

مشكورة سندريلا عالموضوع وفعلا معك حق ياجوجو

هههههه قال 150 سنة قال هاهاهاهاها

قلهن عالم مين نحن جنس ادم قلهن

ليش ناطر عالم ليقلنا قلنا انت

قصدك 150 ثانية ,,, لأنو هالسياسة واضحة ومكشوفة ,

أنا مثلاأ اذا بدي شي من مرتي وممكن هي ماتوافق ,,, ما بقلها بدي هالشي ,, بقلها ما بدي هالشي ومابحبوا ومالو طعمة ,, بتقوم هي بتقنعني بهالشي ,,, فهمتوا شي؟؟؟؟

فشو هالدبلوماسية يلي بدنا 150 سنة لنفهمها ؟؟؟؟

لك نحنا جنس آدم والأجر على الله

لك وينك من زمان عالم يا سيدي حكيم الحكماء انت

بين الأيادي يامعلم

تسلم تسلم والله ما يحرمني منك يا حق

طيب بس هيك كشفت سياستك انت عالم وهلأ اذا عرفت مرتك

رح تغير سياستها وبدك تصير انت تغير الخطة لخطة معاكسة هههههه فهمت شي ؟؟؟

هي سياسة نقض الفرض هههههههههههههه

نفس الشي ,,, اذا عكست هي بعكس أنا

بعدين لتكونوا مقتنعين أنكن عم تنفذوا هالسياسة عن قصد ؟؟؟ هي بتطلع معكن بالعبطة
لأنكن وقت توافقوا ماتعرفوا ليش وافقتوا ووقت بترفضوا ما بتعرفوا ليش رفضتوا !!!!!

يسلموا يا سندريلا شكرا إلك بفضلك وبعد هي الرسالة صرنا نعرف أكتر نتعامل مع البنات

ايه ها هلق صار في منافسة عادلة بين الشباب والصبايا وبعد ما اجو غابي وعلي رح نورجيكن ايمتكن يا حوا وما هيك شباب

أنا مابسترجي شام انستي بالمعهد بس بدي أول الحقيقة جنس أدم ماحدا أدو والله 100 حوى ما بيطلعلها مع أدم هي الحقيقة .......شو شلوني معكون آل حوى لاحدى يناقشني ولاحدا يئلي أنو حوى بيطلعلها مع أدم؟؟؟؟؟؟؟؟؟؟؟؟؟؟؟؟؟1

علي هلأ 100 حوى ما بيطعلها مع آدم !!!!!!!!!

يا عيني روح احكي هاد الحكي غير هون
بعدين حوا بسياستها الذكية بتظهر انو هية مستسلمة وماشية متل ما بدو آدم بس الحقيقة انو هية يلي عم تمشي آدم متل ما بدها
بقى لا تحكوا وتستعرضوا عضلات

عم تتناقشو على شي مفروغ منو
أدم مهما طلع ونزل بدو حوا معو
وصحي صارت المنافسة عادلة استاذ أمير بس وحياتكن ما بطلعلكن معنا

الله حيووووووووووووووو روز

هيك هاه وريجيهن العين الحمرا
مو يفكروا انو وردة حمرا يعني ما بيطلع بايدها
انتبهوا يا شباب نحنا هون

لا هلىء ولا بعد10000000 يوم بيطلعلها لحوى مع أدم لاتقنعوني

خلي الطابق مستور
ادم وحوا مابيعيشو من دون بعض
وفي غنية بتقول
معتر أدم ومسكين جهنم رايحلا سباحة بعدو من بدء التكوين بياكل بها التفاحة خربتي بيتو ياحوا احرقتي قلبو من جوا تيمشي بدو مقوا وانت بتمشي مرتاحة

بقا شو رأيكن شباب 100 حوا مابيقدرو عأدام ؟؟؟؟؟؟؟؟؟؟؟؟؟؟؟؟؟؟؟؟؟؟!!!!!!!!!!!!!!!!!!!!!هههههههههههههه

شو!!!!!!!؟؟؟؟؟؟؟؟؟؟؟؟؟
ما حدا يقلي انتبهوا ياشباب شو هالحكي نحنا جنس ادم بالفطرة موهوبين وسياسيين و.......إلخ
يعني من الولادة
مو 100 حوا مابتقدر ع ادم 1000 حوا وأكتر ما بتقدر ع ادم
شو شباب شو رأيكن؟؟؟؟؟؟؟؟؟
أنا ما حدا بيطلعلوا معي بهيك شغلات
إيواااااااااااااااا

كلامك جوهر أعجمية

صفو مع بعض لأنو مو طالع بايدكن شي كلو حكي عالفاضي

اذا أسسو دولة بيحكمها بس حوا بتكون أقوى دولة بالعالم

ولله بتخرب الدنية من ساسها إلى أساسها و الدنيا خلقت ليحكمها ادم وحواء خلقت من أجل ادم

هلأ شو ماحكينا مارح يطلع بإيدنا شي لأن الاتنين بيكملو بعض وماحد أحسن من حدا

صحي وين الشباب تركوك وحدك بها المعمكة وهربو

على طول كل الشباب يلي حولي
بيتركوني بمعاك أكبر من هيك شو هي المعركة أنا أدها
ونص.......

لك خلصوني من هالحكي الفاضي حوا بتموت اذا ما لقت ادم جنبها وادم نفس الشي والتنين بيكملوا بعضهن ومافي حدا كامل

أمير شكلو عصب ورح ناكل قتلة

نحن هون علي بس شفناك عم تكفي وتوفي ,,,

بعدين واحد بيكفي ليرد على كل البنات مافي داعي نعذب حالنا كلنا ,,,هههههههههههه

ايه فعلا عصبت وشي اكيد بدي عصب منكم
ومشان القتلة رح اعطيكم فرصة تانية اذا بتفتحوا هالسيرة مرة تانية ياويلكم

ياجماعة أمير عصب وبظن أنو بدو يخانق
من معي ؟؟؟؟؟؟!!!!!!!!!!!ههههه

ولو روز طبعا نحنا معك

وهي انا حضرت السلاح انتبهو يا شباب Flamethrower

والي يعادينا يا ويل

اذا بدك مساعدة أمير بس خبرنا ,, مع أني متأكد أنك بتكفي لحالك

لاء ليش أمير رح أبعتلهون أخي الصغير نحنا أكبر من هيك

لا معلش يا شباب انتوا خليكن للعلقات الكبيرة

انا بعرف اتصرف معهن وهي انا بلا سلاح جاييكن يا فتيات المنتدى
نهايتكن على ايدي حتكون

لك أنت خليك على جنب لح أبعت أخي الصغير
نحنا أكبر من هيك ولو أمير

لكاي صح كلامك بس انا حابب انزل لمستواهن شوي وورجيهن مين هنن

لاء خلص انسحبو لحالهون تركون لح يبكوهههههه

أمير نهايتك على أيدي لك حاااااااااااااااجه روحوا خيطو بغير هل المسله أحسن ماتندموا علي أنا عم أبكي خوفتونا حاجه بقا اهئ اهئ اهئ Crying or Very sad

أنا مابخاف من حدا بئى لاتنفشي ريشك مو مشان شي مشان
ما ينفشو كمان بقية البنات
ونحنا بعدين ما بدنا نحط عقلنا بعقلكون
مشان سمعتنا معقول نخلي الناس تحكي على شباب المنتدى
موحلوة يقولو حاطين عقلون بعقل بنات أخ بس لو كنتو شباب
ونقطة انتهى

الله أكبر

الله أكبر عليكون وأصلا ماعند ي كلام أحكي لانو عقلكن ولادي وما بنفع معكن الحكي بدكن تربايه من أول وجديد من شان تحترموا البنات

اختي الله يسامحك نحنا بدنا تربايةولله مرباين احسن ترباية

» وداعااااااااا شباب
» واله مو قدنا يا شباب