أكلة اللبنية طيبة بس الجليات كتار

مرحبا يا شباب...

أكلة الشوش برك...
وهذه هي التفاصيل...:

1. المقادير والمتطلبات :

- نص كيلو طحين .
- نص كيلو لحم.
- بيض دجاج عدد أربعة.
- فحل بصل كبير، أو بصل أخضر . ( حسب الرغبة).
- ملعقة سمن.
- شوية صنوبر ، أو لوز بلدي ني.
- 2 كيلو لبن.
- قليل من الملح.
- كأس شاي رز.

2. التحضير:
أولا يجب تحضيرالعجين: حيث يوضع الطحين مع قليل من الماء والملح والخميرة، وبعد أن يصبح عجين جيد يجب تركه على جنب .
يقطع البصل قطع صغيرة ويقلى مع اللحم بالسمن ، ثم يوضع معه الصنوبر واللوز البلدي، وثم بيض الدجاج. ويترك على نار هادئة مع التحريك.

وفي وعاء أخر، يوضع اللبن مع كأسين شرب كبار ماء، ويغلى مع التحريك المستمر.
في وعاء أخر، يجب طهي الرز حتى النضج ثم يوضع مع مزيج اللبن المغلي، مع استمرار تحريك المزيج الجديد.

يحضر العجين المختمر ويقطع قطع صغيرة ثم يحشى باللحم والبصل المقلى مع البيض، ثم يوضع في اللبن المغلي فترة خمس دقائق حتى يصبح ناضج.

ملاحظة:
_______
للطرفة ، يقوم بعض الناس بحشوا قطع من العجين ببصل أخضر فقط، وحيث تكون من نصيب الإنسان المحظوظ.
ويمكن حشو العجين بلوز فقط، أو لحم فقط، كعلامة مختارة لمن ستكون من نصيبه العجينة المحشوة.

أتمنى أن يكون الشرح مفيدا...
يمكنكم الإستفسار في أي وقت ...

وألف صحة وهناء...

يم يم

يسلموا جوجو ,,,

اي مو بس الجليات كتار
كل الشغلة طويلة وانا ما عندي استعداد قضي نهاري كلو بالمطبخ
بقى اذا بتعمليها انتي وبتعزمينا
وانا بضمنلك انو الجليات على أمير بيكون كتير منيح

يم يم
والله شهيتينا

يميميميميميم يسلمووو جوجو على الوصفة الطيبة
شو بدك ست فاتن الجليات عليي ما حزرت والله
شو يعني اذا الاكلة من عنا بيكون الجلي عليي ؟؟؟؟
ههه شي حلو والله ناس اخر زمن

ما فهمت أمير كيف الاكلة من عندكن ؟؟؟
وما في هريبة من الجلي عليك يعني عليك وهلأ بنعمل تصويت اذا بدك وبنشوف مين مع انو الجلي يكون عليك ومين مو مع ؟؟
حدا فهم شي ؟؟

من عنا...... يعني واضحة !!
جلي لا تحلمي اني اجلي لو طلع كل الاصوات مع اني اجلي وانت حصرا يلي بدك تجلي وشكلين ما بحكي
king

اي لأ انت رح تجلي

وانا هون معي حق الفيتو حتى لو كل الأصوات كانت معك

ليش مين قلك انو القرار الك يعني ؟؟!!

شوف القرار بايدي لحالي يلا قوم لشوف اجلي هالجليات ولا تنسى تمسح الغاز والأرض

أكلة اللبنية طيبة بس الجليات كتار Wizard

ييي علينا خلص لا إنت ولا هيي مو عليي الأكلة
خلص أنا بجلي
وصحتين وهنا للكل

لا والله جوجو ما بتمدي ايدك عالجليات
ما بيكفي طبختي وتعذبتي
خلص أمير كفو وهلأ بيلبس المريول وبيفوت عالمطبخ

ايه جوجو ما بتمدي ايدك على شي لا طبخ ولا جلي مشان ما عزبك
هلق فاتن بتساويلنا احلى طبخة وكمان بدها تجلي الجليات

لا والله مابيصير
فاتن المؤثرات اللي عم تحطيها كتير حلوين ومهضومين نزليهن مع
بقية الابتسامات

لا تغيري الموضوع جوجو خلّينا بالجليات ؟؟

خلص ياجماعة أنا بتطوع اجلي بس طبعاً إذا كانت الأكلة طيبة

انا لا اقبل غير فاتن تجلي وشكلين ما بحكي

لأ جوجو ما بنزلهن مع الابتسامات بدي خليهن حصري الي هههههه
عم امزح رح حاول نزلهن واذاما نزلوا بعطيكي البرنامج كلو اذا بدك
تكرررمي بس لا تقوليلي جلي
خلص هي ريد اتبرعت وانت ما الك علاقة أمير طلاع منها

ما بطلع لتجلي انت حرام روز تجلي لساها صغيرة بعدين هي بتكسر هي وعم تجلي هههههههه

الظاهر انتو مو جاي عبالكون تكالوا هالأكلة اتطوعت اجلي مشان ما تروح عليكن بس تصطفلوا

جوجو وينك اعزميني وأنا بجلي ولا يهمك وهيك بضرب عصفورين بحجر بتعلم الأكلة وباكلها
شو اتفقنا

الظاهر طلعنا برا وانا وياك أمير أكلة اللبنية طيبة بس الجليات كتار Jeer

هيك روحت علينا الأكلة بالقال والقلنا تبعك ؟؟؟ أكلة اللبنية طيبة بس الجليات كتار Conversation

جوج اليوم نزلت كم ابتسامة بيناسبو فترة الأعياد
واستنوا البقية على دفعات لان كتييرر كتار

فاتن كتب:: الظاهر طلعنا برا وانا وياك أمير

هيك روحت علينا الأكلة بالقال والقلنا تبعك ؟؟؟

لأ ما طلعنا ولا فتنا ليش مين قلها انو القرار بايدها وانا يلي بقرر
ماراح ولا ح يروح شي علينا لا تقلقي فتوش يعني don‘t worry

هلق بقلكن شو
أنا عازمتكن بكرا عال اللبنية
وبما إنو هي بتنعمل قبل بنهار فأنا اللي جليت الجليات
و100 أهلين فيكن

له ياجوجو له خلص أنا قلتلك انو انا بجلي
بس يلا ريحتيني خلص وبكره انا عندك

أحلى شي بالموضوع انكليزية أمير

اي شبها انكليزيتي سيد عالم ؟؟؟؟ بعلمك اذا بدك

I don't think so
I think the only sweet thing is the adds of the members
Thank you Mr genius