شو السؤال يلي بيحيرك؟؟؟؟؟

نفسى اعرف ماذا يحيركم

بحياتنا معرضين لمواقف غريبة مابنفهمها ولا بنستوعبها

أو بتكون جواتنا أسئلة محيرتنا ماعنا جواب إلها

كل يوم أو كل لحظة بنلاقي نفسنا مطالبين بالإجابة على سؤال محيرنا

لكن للأسف السؤال بضل من دون جواب و الحيرة بتضل جواتنا

الموضوع مفتوح للكل من شان نعرف شو هو هاد السؤال يلي جوات كل واحد فينا ومحيرنا

حط السؤال ولو واحد عندو الجواب عليه بيرد عليك وبيتناقش معك

كل يوم بتنولد بداخلنا أسئلة كتيرة

ويمكن كل لحظة سؤال

و هي أول سؤال انا لح اسألو

انا سؤالي يلي محيرني انو الله قادر على كل شي شو سبب وجود أشخاص كفار وأشرار ليش مو الكل كانو مؤمنين ؟؟؟؟
ورب العالمين عندو القدرة كن فيكون ؟؟؟؟؟؟

سيد علي سؤالك مالو جواب غير هيك الله بدو

قدر الله وما شاء فعل ,, لو الكل كانو مؤمنين من دون تعب واختيار ليش
ليفوتوا عالجنة ,, هذا بالشرع أسمه التكليف ..
(( إنا عرضنا الأمانة على السموات والأرض والجبال فأبين أن يحملنها وحملها
الانسان انه كان ظلوماً جهولاً )) صدق الله العظيم

أنا سؤالي : طالما كل العرب عندن نفس الهدف وهو الوحدة العربية , والكل بيناضل
لتحقيق هالوحدة وانهاء الخلافات... ليش ما عم تزبط ؟؟؟؟؟

لأنو بعض العرب خايفين على المقعد تبعون
البعض لآخر نية بتكون غبط ضد الشعب
شكرا على مرورك

طيب أنا سؤالي
ليش لازم نحكي الصدق دائماً

لأن الصدق بيخلي الواحد يحس براحة النفس وكمان بيخلي الواحد مايخاف من شي إلا من ربّه
وهالأحساس كتير حلو وكمان مابدنا ننسى أنو(حبل الكذب قصير)
ولازم نعيش حياتنا كلها صدق بدون كذب لأنو هيك الواحد بحس براحة بكل شي عم يعملو وصدقوني هالشعور
راااااااااااااااااااااااااااائـــــــــــــــــــــــــع

بيحيرني اسئلة كتير

مثلا : شو كان اسم ابو بريص قبل ما يصير عندو بريص ؟؟؟؟
ومين اجا اول الجاجة ولا البيضة ؟؟؟؟
هههههههه
عم امزح ( بس معلش اذا عندكن جواب هاتوا )
السؤال يلي بيحيرني ليش الانسان دائما بيحب الشي الممنوع ؟؟

انا بجاوب عن حالي بحب شي الممنوع بس لأني فضولي بحب اعرف كلشي بحب غامر بلممنوع افتحو قوس( الممنوع مو الممنوعات يلي ببالكن انا عم احكي بشكل عااام هسع سكروو القوس)
السؤال يلي بحيرني ليش الواحد لم يكون خايف من شي بينجح فيه والشي يلي ما بخاف منووووو بيرسب فيه